“Сўғдиёна” жамоаси Тошкентда мавсум олди тайёргарликни давом эттирмоқда.
Ўқув йиғини давомида бир қатор футболчилар билан шартномалар имзоланди. Жамоани тарк этганлар ҳам бўлди.
Ўтган мавсумда иккинчи даврасида “Сўғдиёна” шарафини ҳимоя қилган, Алексадр Мочинов бошчилигида машғулотларда иштирок этиб, бир қатор ўртоқлик учрашувларида майдонга тушган Умиджон Қодиров маълум сабабларга кўра ўз хохишига биноан жамоани расман тарк этди.
Умид Қодировга жамоа шарафини ҳимоя қилишдаги меҳнатлари учун миннатдорчилик билдирамиз ва кейинги фаолиятига омад тилаймиз!
Селекция ишлари давом эттирилмоқда. Жамоа эртага “Сурхон” га қарши навбатдаги учрашувини ўтказади.
“Сўғдиёна” матбуот хизмати
