“So‘g‘diyona” jamoasi Toshkentda mavsum oldi tayyorgarlikni davom ettirmoqda.
O‘quv yig‘ini davomida bir qator futbolchilar bilan shartnomalar imzolandi. Jamoani tark etganlar ham bo‘ldi.
O‘tgan mavsumda ikkinchi davrasida “So‘g‘diyona” sharafini himoya qilgan, Aleksadr Mochinov boshchiligida mashg‘ulotlarda ishtirok etib, bir qator o‘rtoqlik uchrashuvlarida maydonga tushgan Umidjon Qodirov ma’lum sabablarga ko‘ra o‘z xoxishiga binoan jamoani rasman tark etdi.
Umid Qodirovga jamoa sharafini himoya qilishdagi mehnatlari uchun minnatdorchilik bildiramiz va keyingi faoliyatiga omad tilaymiz!
Seleksiya ishlari davom ettirilmoqda. Jamoa ertaga “Surxon” ga qarshi navbatdagi uchrashuvini o‘tkazadi.
“So‘g‘diyona” matbuot xizmati
