Англия футбол ассоциацияси “Манчестер Сити” ҳужумчиси Серхио Агуэрони “Уиган”га қарши ўйин (0:1) даги ҳаракати учун жазолайди.
Эслатиб ўтамиз, ўйин якунида “Уиган” мухлислари ғалабани нишонлаш учун майдонга тушиб келишади ва улардан бири Агуэрога “сакрайди”. Шундан сўнг ҳужумчи ўзини боса олмасдан мухлис билан муштлашиб кетади. Кичик жанг мураббийлар ва қўриқилар томонидан тўхтатиб қолинади.
АФА кечаги воқеаларни ўрганиб чиқди ва “Манчестер Сити” ҳужумчисининг ҳаракатлари учун жазолаши ҳақида қарор чиқарди. Агуэрога қандай жазо қўлланилиши ҳақида ҳозирча ҳеч қандай маълумотлар келтирилмаган.
