Голландия футболи Европа клубларини моҳир ижрочилар билан таъминлаш масаласида алоҳида мақтанишга ҳақли. Кўпчилик бу борада «Аякс»ни бош «донор» ўрнида кўришга одатланган.
Бироқ охирги йилларда голланд футболида умумий вазият анчагина ўзгарди. Дейлик, камтарин «Гронинген» жамоаси ҳам бир қатор муносиб ўйинчиларни кашф этиш асносида назарга тушди.
«ССФ» нашрининг қуйидаги мақоласига қараб, «Гронинген»да скаутлик тизими нақадар яхши йўлга қўйилганини осонгина тушуниш мумкин.
Ҳа, бир қатор юлдузлар катта йўлга шу камтарин клуб орқали чиқишган.
1. Арьен РОББЕН («Бавария»). Европа ЧЛ-2012|2013 финалининг энг яхши футболчиси сермаҳсул фаолиятини кўпчилик ўйлаганидек, ПСВда эмас, айнан «Гронин-ген»да бошлаган.
Афсонавий ярим ҳимоячи Эйндховенга кўчиб ўтишидан аввал бу клуб сафида нақ 52 марта майдонга тушганди. Қолаверса, Арьен «Гронинген»даги илк мавсуми якунида чемпионатнинг энг яхши футболчиси сифатида эътироф этилган.
Хуллас, Роббен шу чиройли дебют туфайли ПСВ назарига тушган, кейин еврофутбол бўйлаб юриши бошланган - «Челси», «Реал», «Бавария».
2. Луис СУАРЕС («Барселона»). «Эль-Пистолеро» еврофутболга айнан Нидерландия шимолида қадам қўйди. Уругвайлик ҳужумчи 2006 йилнинг ёзида жонажон клуби - «Насьональ» билан хайрлашиб, Эредивизионда ўртамиёна мавқега эга жамоа сафига қўшилганди.
Муҳими, Луис «оқ-яшиллар» таркибидаги дебоча мавсумида 10та гол ургач, «Аякс» раҳбарияти унинг учун 7,5 млн. евро тўлаган ва дарҳол 5 йиллик шартнома тузганди.
3. Виржиль ван ДЕЙК («Ливерпуль»).
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
