Мадриднинг“Реал” клуби бош мураббийи Зинедин Зидан “Алавес”га қарши ўйин олдидан интервью бериш давомида Гарет Бэйлнинг жамоада муҳим вазифалардан бирини бажаришини айтиб ўтди.

“Бэйл? У бизнинг жамоа учун доим муҳим футболчилардан бири бўлиб қолаверади. Гарет аввалги спорт формасини тиклаш учун ҳаракатдан тўхтамаяпти. Мен уни яна сафдан четга чиқишини ҳеч қачон истамаган бўлардим. Бэйл “Реал”да яна муҳим вазифаларни бажаришни бошламоқда.

Себальос? Ҳа, айбим борлигини тан оламан. Футболчини 30 сония учун майдонга тушириш ўзимга ҳам ёқади деб ўйлайсизми? Унинг “Алавес”га қарши ўйинда иккита гол урганини яхши эслайман. “Реал”да жамоавий характер мавжуд, биз 6 ўйинда 26 та гол урдик. Бу албатта, яхши натижа, мавсумни мана шундай фаолликда якунлашга ҳаракат қиламиз”, - деди Зидан.