“Бавария” клуби ҳимоячиси Матс Хуммельс “Боруссия” футболчиси Шмельцернинг ғалаба голидан кейинги хурсандчилигига мухлислар томонидан билдирилган танқидига муносиб жавоб қайтарди.

Эслатиб ўтамиз, дортмундликлар сардори Марсель Шмельцер Европа Лигасининг 1/16 финалидан ўрин олган “Аталанта”га қарши жавоб учрашувида гол уриб, жамоасини кейинги босқичга олиб чиққанди. (1:1, дастлабки учрашув – 3:2).

Хуммелс эса бу голдан сўнг твиттердаги саҳифасига “қовоғариларрррррр” (“Боруссия”нинг лақаби) дея ёзиб хурсандчилик смайлигини жойлаштирган. Мухлислар эса Матсдан тезкорлик билан ушбу твитини ўчириб юборишларини сўраган.

“Интернетни шунга яхши кўраман, чунки у ерда сен кўп йиллар ўйнаган жамоа ғалабасидан хурсанд эканлигингни кўра олишмайди. Ҳаммага ҳайрли тун!”, – дея ёзади Хуммельс кейинроқ қолдирган постида.