“Bavariya” klubi himoyachisi Mats Xummels “Borussiya” futbolchisi Shmelserning g‘alaba golidan keyingi xursandchiligiga muxlislar tomonidan bildirilgan tanqidiga munosib javob qaytardi.
Eslatib o‘tamiz, dortmundliklar sardori Marsel Shmelser Yevropa Ligasining 1/16 finalidan o‘rin olgan “Atalanta”ga qarshi javob uchrashuvida gol urib, jamoasini keyingi bosqichga olib chiqqandi. (1:1, dastlabki uchrashuv – 3:2).
Xummels esa bu goldan so‘ng tvitterdagi sahifasiga “qovog‘arilarrrrrrr” (“Borussiya”ning laqabi) deya yozib xursandchilik smayligini joylashtirgan. Muxlislar esa Matsdan tezkorlik bilan ushbu tvitini o‘chirib yuborishlarini so‘ragan.
“Internetni shunga yaxshi ko‘raman, chunki u yerda sen ko‘p yillar o‘ynagan jamoa g‘alabasidan xursand ekanligingni ko‘ra olishmaydi. Hammaga hayrli tun!”, – deya yozadi Xummels keyinroq qoldirgan postida.
