Германиянинг Дюссельдорф шаҳрида дзюдо бўйича нуфузли "катта дубулға" турнири бўлиб ўтмоқда.

Ушбу мусобақада ҳамюртларимиз ҳам иштирок этаётгани ҳақида хабар қилгандик. Кеча икки нафар ҳамюртимиз Диёрбек Ўрозбоев ҳамда Достонжон Ҳолиқулов мусобақада ўз омадини синаб кўрди.

-60кг вазн тоифасида жангларда иштирок этган Рио Олимпиадаси совриндори Диёрбек Ўрозбоев илк жангида словениялик Давид Штаркелни мағлубиятга учратди. Аммо, иккинчи даврада озарбайжонлик Вулгар Ширинлига қарши гиламга чиққан ҳамюртимиз имкониятни бой бериб қўйди.

-66кг вазнда юртимиз шарафини ҳимоя қилган Достонжон Ҳолиқулов эса илк жангидаёқ украиналик Георги Зантараияга ютқазди.

Бугун -73кг вазнда баҳслар ўтказилади. Жангларда Ўзбекистон терма жамоаси аъзоси Ғиёсжон Бобоев ҳам иштирок этади. Ҳамюртимиз баҳсларга иккинчи даврадан қўшилади. Бобоев илк жангида Ишен Аманов (Қирғизистон) ҳамда Дмитрис Федосейенковс (Латвия) тўқнашуви ғолибига қарши кураш олиб боради.

Ҳамюртимизга бугунги жангларда омад тилаб қоламиз.