"Барселона" бош мураббийи Эрнесто Вальверде Испания чемпионатининг 25-турида "Жирона" устидан қозонилган ғалабадан сўнг (6:1) жамоа ҳужумчиси Луис Суарес атайлаб сариқ карточка олмаганини айтди.
Футболчи учун бу 5-сариқ карточка бўлди ва "Лас-Пальмас"га қарши сафар ўйинини ўтказиб юбориш билан бирга, "Атлетико"га қарши ўйинга "тоза" бўлиб олди.
"Бу ўйиндаги вазият, қарор ҳакамники. Мен яна ниманидир қўшимча қилмоқчи эмасман. Агар сариқ карточкалари тўпланиб қолгани туфайли бирор футболчини йўқотсак, бошқаси ўйнайди. Аммо биз чемпионатда муддатидан олдинроқ ғолиб чиқмоқчимиз", - дейди Вальверде.
