“Манчестер Юнайтед” ярим ҳимоячиси Неманья Матич ижтимоий тармоқдаги саҳифасида “Челси”га қарши ўйин вақтида мураббий Моуриньодан қандай хат олганини эълон қилди.
Матич Моуриньо томонидан “Сенга 3 кун дам” топшириғини олган экан.
Албатта, бу 99 фоиз ҳазил, лекин ким билиб ўтирибди дейсиз?
Эслатиб ўтамиз, “Манчестер Юнайтед” кеча ўз майдонида “Челси”ни 2:1 ҳисобида мағлубиятга учратди.
Кўплаб мухлислар ўйиннинг сўнгги дақиқаларида Моуриньо Матичга Эрик Байи орқали йўллаган хатида нима ёзилгани ҳақида қизиқишганди. Саволга жавоб воқеадан бир кун ўтиб топилди.
