"ПСЖ" ҳужумчиси Неймар "Марсель" билан учрашувда ўнг оёғи тўпиғини қайириб олди ва бунинг натижасида унинг бешинчи панжа суягида ёриқ пайдо бўлган.
Бу ҳақида парижликлар расмий сайти хабар қилди.
Бундай жароҳатларни ўз вақтида Марсело, Тони Кроос, Хаби Алонсо каби футболчилар олган. Тўлиқ тикланишлари учун бир неча ҳафта керак бўлган, бу Неймарнинг "Реал"га қарши майдонга тушмаслигини билдиради.
Аммо истисно ҳолат ҳам бўлган: "Валенсия" яримҳимоячиси Гонсалу Гуэдеш худди шу бешинчи панжа суяги ёриғи билан "Барселона"га қарши тўлиқ ўйинни ўтказган.
Нима бўлганда ҳам Неймар Франция кубогида "Марсель"га қарши ва чемпионатда "Труа"га қарши ўйинларни аниқ ўтказиб юборади.
