Баҳор фаслининг март ойида футбол ишқибозларини бир-биридан қизиқарли футбол учрашувлари кутиб турибди. 5 март куни Қарши шаҳри яна бир Осиё чемпионлар лигасининг учрашувига мезбонлик қилади. Бунда “Насаф” Қатарнинг “Ал Садд” жамоасини қабул қилади. Мазкур учрашув, келаётган душанба куни “Марказий” стадионда соат 18:30да бошланади.
Футбол шайдолари Қаршида, Испания терма жамоаси ва “Барселона” клуби афсонаси Хавини орзиқиб кутишмоқда.
“Насаф” ПФК футбол ишқибозларининг талаб ва истакларини инобатга олиб, учрашув чипталарини одатдагидан эртароқ – 1 март кунидан сотувга чиқармоқда.
Энди чипталар туманлар марказида, кўчма чиптахоналар орқали ҳам сотилади.
Қуйида кўчма чиптахоналарнинг иш жадвалини эътиборингизга ҳавола қиламиз.
1 март (пайшанба) куни. Шахрисабз шаҳрида
2 март (жума) куни. Косон шаҳрида
3 март (шанба) куни. Ғузор шаҳрида
4 март (якшанба) куни. Чироқчи шаҳрида (тушгача)
4 март (якшанба) куни. Қамаши шаҳрида (тушдан кейин)
Кўчма чиптахоналар 10:00дан 16:00гача ишлайди.
Чиптахона шаҳарнинг гавжум жойи – бозорлар ҳудудида ташкил этилади.
Учрашув чипталари шунингдек Қарши шаҳрида, “Марказий” стадион чиптахоналари орқали ҳам 1 март (пайшанба) кунидан сотила бошланади.
“Насаф” ПФК маркетинг бўлими
