“Ливерпул” устози Юрген Клопп “Порту”га қарши жавоб ўйинида, гарчи биринчи ўйинда 5:0 ҳисобида ғалаба қозонган бўлса-да, асосий таркибни туширмоқчи.

“Бу ҳафтада “Ньюкасль” билан, кейинги ҳафтада эса “Порту” ва “Манчестер Юнайтед” билан ўйнаймиз. “Порту”га қарши жавоб ўйинида асосий таркиб футболчиларига дам берсак ҳам бўларди, бироқ “Арсенал”нинг айнан шундай иши туфайли швед клубидан мағлуб бўлганини унутмаслик керак. Шу боис бизда ҳеч ким дам олмайди. “Порту” ва “Манчестер Юнайтед”га қарши асосий таркиб майдонга тушади”, деди Клопп.