Бугун ёшларимиз лиганинг 1-тур учрашувини Фарғонада “Нефтчи” ёшларига қарши ўтказишди.
Учрашув қизиқарли ва муросасиз курашларга бой тарзда ўтди.
“Нефтчи” ёшлари учрашувни фаоллик билан бошлашди. Улар дастлабки дақиқаданоқ дарвозамиз олдида хавфли вазият ярата олишди. Аммо бу вазиятда ҳимоячиларимиз бехато ҳаракат қилишди.
Бунга жавобан, ёшларимизнинг ташкил этган тезкор қарши ҳужуми, гол билан якунланди. Шерзод Темиров 3-дақиқадаёқ гол уриб, жамоамизни ҳисобда олдинга олиб чиқди – 0:1.
Учрашувда ҳисоб очилгач, майдон эгалари яна фаоллашишди. Улар кетма-кет ташкил этган ҳужумлари орқали, 25-дақиқада ҳисобни тенглаштиришди – 1:1. Голга Отабек Ахмаджонов муаллиф бўлди.
Биринчи бўлим ана шу ҳисобда якунига етди.
Иккинчи бўлим ҳам жуда қизиқарли бўлди. Ҳар иккала жамоа ҳужумкор ўйин намойиш этди. Аммо бу ҳужумлар самара бермади. Яъни ўйин охиригача 1:1 ҳисоби сақланиб турди.
Ўйиннинг 85-дақиқасида Худоёрхон Сагдуллаев дарвозабон билан бирга-бир вазиятга чиқиб борди, аммо футболчимиз бу имкониятдан фойдалана олмади. Учрашувга қўшиб берилган дақиқалар бошланганда, майдонда ташаббусни қўлга олган жамоамиз ўз мақсадига эришди. Жамоамизнинг навбатдаги ҳужумини Акмал Мозговой гол билан якунлади – 1:2.
Учрашув ана ҳисобда ниҳоясига етди.
Шундай қилиб, ёшларимиз лигани ғалаба билан бошлашди ва ўз ҳисобларига дастлабки уч очкони ёздириб қўйишди.
Ёшлримиз 2-тур учрашувини ўз майдонида “Бухоро” ёшларига қарши ўтказишади. Учрашув 8 март куни бўлиб ўтади.
Ёшлар лигаси. 1-тур
“Нефтчи” (Фарғона) – “Насаф” (Қарши) 1:2 (1:1)
28.02.2018. Қиргули стадиони. 15:30да
Ҳакамлар: Жасур Мухторов (Тошкент), Равшан Кападзе (Фарғона), Шохруҳбек Аъзамов (Фарғона), Санжар Рахмонов (Фарғона)
Назоратчи: Арслон Хотамов (Тошкент)
Голлар: Отабек Ахмаджонов, 25’ – 1:1 - Шерзод Темиров, 3’-0:1, Акмал Мозговой, 90+1’-1:2
“Нефтчи”: 21.Фаррух Турдалиев (1.Абдумавлон Абдужамилов 46), 2.Жамшид Қобулов, 3.Миржамол Неъматов, 5.Шодиёр Хожиматов, 6.Аброрбек Исмоилов, 7.Исломбек Каримов (с), 8.Рустам Солижонов (18.Жамшидбек Турақулов 54), 9.Хамидулло Абдухамидов (19.Оллоёр Солижонов 89), 11.Хуршидбек Асқаралиев (24.Улуғбек Исмоилжонов 54), 17.Отабек Ахмаджонов, 22.Асилбек Ғойибжонов.
Захира: 14.Абдуллоҳ Ҳайдаров, 27.Раҳмонберди Маматкаримов, 33.Авазбек Улмасалиев.
“Насаф”: 1.Умиджон Эргашев, 4.Жўрабек Маннонов (с), 5.Шерзод Насруллаев, 6.Акмал Мозговой, 7.Жаҳонгир Қурбонбоев, 10.Худоёрхон Сагдуллаев, 16.Наврўзжон Изатиллаев, 28.Сардор Садуллаев, 34.Самандар Шукруллаев, 45.Шерзод Темиров (38.Сардор Тўраев 90+4), 96.Дадажон Маматқулов (22.Маъруф Жумаев 46).
Захира: 65.Машҳур Муҳаммаджонов, 14.Шоҳмалик Комилов, 32.Жасур Жумаев.
Огоҳлантириш: Жамшид Қобулов (57), Авазбек Улмасалиев (72), Раҳмонберди Маматкаримов - Шоҳмалик Комилов (84).
