Англия чемпионатининг 28-тури доирасида бироз кечиктирилган сўнгги ўйин бўлиб ўтди. "Арсенал" ўз майдонида "Манчестер Сити"ни қабул қилиб, яна йирик ҳисобда мағлуб бўлди.

Гвардоила шогирдлари баҳснинг 33-дақиқасига қадар рақиб дарвозасига 3та тўп йўллашга улгуришди. Бернарду Силва, Давид Силва ва Сане томонидан урилган голлар амалда "Арсенал"ни руҳан синдириб қўйди.

Иккинчи бўлим бошида мезбонлар ҳисобни тенглаштиришлари мумкин эди, аммо Обамеянг томонидан пенальтидан берилган зарбани Эдерсон қайтаришга муваффақ бўлди.

Шу тариқа, "Манчестер Сити" 4 кун оралиғида "Арсенал"ни икки марта 3:0 ҳисобида мағлуб этишга муваффақ бўлди. "Шаҳарликлар" иккинчи ўриндаги "МЮ" билан 16 очколик фарқни сақлаб туришибди. Венгер шогирдлари эса ЕЧЛга йўлланма берадиган 4-поғонадан 10 очко ортда қолишмоқда.

Англия премьер-лигаси, 28-тур
Арсенал – Манчестер Сити 0:3 (0:3, 0:0)
Голлар: 0:1 – 15 Бернарду Силва, 0:2 – 28 Сильва, 0:3 – 33 Сане.
Арсенал – Чех, Бельерин, Мустафи, Косьельни, Колашинац, Рэмзи, Джака, Мхитарян, Ўзил, Уэлбек, Обамеянг.
Манчестер Сити – Эдерсон, Уокер (Зинченко, 72), Компани, Отаменди, Данило, де Брюйне, Гюндоган, Сильва (Габриэл Жезус, 87), Бернарду Силва, Агуэро (Туре, 82), Сане.
Огоҳлантиришлар: Отаменди (19), Колашинац (32).