Angliya chempionatining 28-turi doirasida biroz kechiktirilgan so‘nggi o‘yin bo‘lib o‘tdi. "Arsenal" o‘z maydonida "Manchester Siti"ni qabul qilib, yana yirik hisobda mag‘lub bo‘ldi.

Gvardoila shogirdlari bahsning 33-daqiqasiga qadar raqib darvozasiga 3ta to‘p yo‘llashga ulgurishdi. Bernardu Silva, David Silva va Sane tomonidan urilgan gollar amalda "Arsenal"ni ruhan sindirib qo‘ydi.

Ikkinchi bo‘lim boshida mezbonlar hisobni tenglashtirishlari mumkin edi, ammo Obameyang tomonidan penaltidan berilgan zarbani Ederson qaytarishga muvaffaq bo‘ldi.

Shu tariqa, "Manchester Siti" 4 kun oralig‘ida "Arsenal"ni ikki marta 3:0 hisobida mag‘lub etishga muvaffaq bo‘ldi. "Shaharliklar" ikkinchi o‘rindagi "MYU" bilan 16 ochkolik farqni saqlab turishibdi. Venger shogirdlari esa YECHLga yo‘llanma beradigan 4-pog‘onadan 10 ochko ortda qolishmoqda.

Angliya premyer-ligasi, 28-tur
Arsenal – Manchester Siti 0:3 (0:3, 0:0)
Gollar: 0:1 – 15 Bernardu Silva, 0:2 – 28 Silva, 0:3 – 33 Sane.
Arsenal – Chex, Belyerin, Mustafi, Kosyelni, Kolashinas, Remzi, Djaka, Mxitaryan, O‘zil, Uelbek, Obameyang.
Manchester Siti – Ederson, Uoker (Zinchenko, 72), Kompani, Otamendi, Danilo, de Bryuyne, Gyundogan, Silva (Gabriel Jezus, 87), Bernardu Silva, Aguero (Ture, 82), Sane.
Ogohlantirishlar: Otamendi (19), Kolashinas (32).