2018 йилги мамлакат миллий чемпионатини "Металлург" ўз уйида Наманганнинг "Навбаҳор" жамоасига қарши учрашув билан бошлайди. Мазкур жамоалар бугунгача кучлилар сафида 40 марта тўқнаш келишган.   Бугунгача ортда қолган ўйинларнинг 11 тасида ҳамшаҳарларимиз ғалаба қозонишган. Ўнта ўйинда кучлар тенг келган бўлса, 19 ўйин наманганликларнинг ютуғи билан якунланган.   Киритилган ва ўтказиб юборилган тўплар нисбатидаги фарқ рақибларимиз фойдасига – 45-62.   Ушбу жамоаларнинг ўзаро қарама-қаршиликларидаги энг йирик ҳисоб 2003 йили қайд этилган.   Ўшанда жамоа «Навбаҳор»га  0:7 ҳисобида имкониятни бой бериб қўйган. Бу бекободликларнинг олий лига баҳсларидаги ҳам энг йирик мағлубияти ҳисобланади.   Ўтган мавсум охирида “Металлург” “Навбаҳор”ни 5:1 ҳисобида доғда қолдириб, бу жамоалар тўқнашувидаги йирик ғалабасини расмийлаштирди. Унгача бекободликлар “Навбаҳор”ни муқаддам учта тўп фарқи билан ютганди.   Навбаҳорчилардан мазкур тўқнашувларда энг кўп муваффақиятга эришган футболчи Шуҳрат Мирхолдиршоев саналади. У бекободликлар дарвозасига 12 та тўп киритган. “Металлург” жамоасидан эса Зоҳид Абдуллаев рақиблари дарвозасини 7 марта ишғол этган.   Жамоаларнинг Бекободда ўтказилган сўнгги бешта учрашуви: 2017   “Металлург” – “Навбаҳор” – 0:0 2016   “Металлург” – “Навбаҳор” – 5:1 2015   “Металлург” – “Навбаҳор” – 2:3 2014   “Металлург” – “Навбаҳор” – 2:0 2013   “Металлург” – “Навбаҳор” – 2:1