Бугунги кунда Япония чемпионатида тўп сураётган Фозил Мусаев «Жубило Ивата» сафида янги мавсумга тайёргарлик кўрди.

«Насаф»нингсобиқяримҳимоячисиўтганмавсум J-лигадаўзиданилиқтаассуротқолдирди. Фозил таянч ярим ҳимоясида Япония чемпионатидаги беназир футболчилардан бирига айланди.

Буни «кунчиқарюрт» матбуотиҳамалоҳидаэътирофэтди. Мусаев «Жубило Ивата» билан 2 йиллик шартнома имзолаганди. Ҳозир келишувнинг яна бир йили бор ва биздаги маълумотларга кўра, клуб раҳбарияти легионеримизга келишувни узайтириш бўйича таклиф билан чиққан.

Чунки «Жубило Ивата» олдига жорий мавсумда юқори вазифалар қўйиляпти. Биз Фозил Мусаев билан боғланиб, ундан шу ва бошқа мавзулар юзасидан интервью олдик.

- Фозил, Япония чемпионатига тайёргарлик қандай давом этяпти? Ўзгаришлар кузатилмадими?

- Тайёргарлик 14 январдан бошланганди. Ўқув-машғулот йиғини Япониянинг Кагошима шаҳрида 18 кун мобайнида ўтказилди. Қисқа муддатли танаффусдан сўнг, 14 февраль куни яна Кагошимага қайтиб келдик ва айни пайт машғулотларнинг якуний босқичидамиз.

Чемпионатдаги илк ўйинимиз 25 февралда (суҳбат 22 февралькуниуюштирилган, - муаллиф) «Кавасаки Фронтале» клубига қарши бўлиб ўтади. Ҳозирча J-лигада ҳеч қандай янгилик йўқ. Балки ёзда ўзгариш кузатилса керак.

Боиси, Россия мезбонлигидаги ЖЧ-2018 бор ва шу сабабли ҳам мусобақанинг 1-давраси одатдагисидан эртароқ якунланар экан. Мундиал иштирокчиси бўлган Япония термасининг жаҳон чемпионатига муносиб тарзда тайёргарлик кўриши учун шундай йўл тутилади.

- Клуб раҳбарияти, мураббийлар штаби ва жамоа таркибида ўзгаришлар рўй бермадими?

- Ҳозирча йўқ. Ҳамма ўз ўрнида ишлаяпти. Таркибда иккита айтишга арзигулик ўзгариш кузатилди. Сафимизга бразилиялик икки футболчи келиб қўшилди.

- «Жубило Ивата» раҳбарияти янги мавсум олдидан жамоа билан учрашиб, янги мақсад ва вазифаларни эълон қилдими?

- Кучли бешликка киришга ҳаракат қиламиз. Бу минимум вазифа. Ҳар қандай ҳолатда ҳам камида ОЧЛ йўлланмаси учун кураш олиб борамиз. Ўтган йили бироз омад етишмаганди.

Айниқса, чемпионатнинг сўнгги ўйинларида муҳим очколарни бой бергандик.

- Япония клубларидаги футболчиларнинг қандай шуғулланиши кўпчиликни қизиқтиради. Бизнинг жамоалар ўтказадиган машғулот билан уларники кескин фарқ қиладими?

- Албатта, фарқи бор. Бу ҳолат яққол кўзга ташланади.

- Кўпроқ нимага эътибор қаратилади?

- Жисмоний тайёргарлик билан бир қаторда тактика ва комбинацион тўп узатишларга аҳамият берилади. Клубларда маҳаллий мураббийлардан ташқари хорижлик мутахассислар ҳам кўпчиликни ташкил этади.

Табиийки, маш-ғулотларда уларнинг «имзоси» кўзга ташланиб туради.

- Япония чемпионатида тўп сурган биринчи ва ҳозирча ягона ўзбек футболчиси бўлиб турибсиз. Бу сизга қўшимча масъулият юклайдими? Маҳаллий журналистлар ҳам сиздан шу ҳақда сўрашса керак?

- Албатта, бусиз бўлмайди. Зиммамдаги масъулият жуда юқори. Шунга яраша машғулотларда ишлаяпман.

- Япон тили борасида қийинчилик йўқми? Ҳар ҳолда, ўзига хос иероглиф ёзувлар...

- Ҳали тўлиқ ўзлаштириб олганим йўқ. Лекин шу кунларда тўлақонли тарзда ўрганишни бошламоқчиман. Билмадим, бу менда қанчалик ўхшайди, лекин уриниб кўраман.

- Мулоқот жараёнида қийинчиликка дуч келмаяпсизми? Қайси тилда гаплашяпсиз?

- Ҳаммаси жойида. Мураббий ва футболчилар билан инглиз тилида суҳбатлашамиз.

- Аслида трансферингиз қай тариқа амалга ошганди?

- Бунинг тарихи узун. Шунчаки, қисқача тўхталаман. Ўз вақтида «Бун-ёдкор»да ўйнаб кетган япониялик футболчи Минори Сатонинг агентлари ҳамда Санъат Шарипов биргаликда бу трансфернинг амалга ошишини таъминлашган.

Албатта, Япония клуби ҳам бирданига келишувга рози бўлмаган. «Насаф» таркибидаги ўйинларимни обдон кўриб, таҳлил қилгандан кейин ўзаро битим тузганмиз.

- Бир йил давомида Япония чемпионатида ўйнадингиз. Умумий таассурот ва хулосаларингиз қандай бўлди?

- Таассуротлар жуда яхши. Бу ерда футболга бўлган эътибор, муносабат умуман бошқача. Очиғи, ҳавас кўзи билан қарайман. Шароитлар ҳам кўнгилдагидек. Япония J-лигаси Осиёдаги энг кучли чемпионатлардан бири.

- Матбуотнинг эътибори-чи? Ўйинларга журналистлар кўп келадими?

- Учрашувларни қўя туринг, ҳатто ҳар кунги машғулотларимизга ҳам камида 4-5 нафар ОАВ ходимлари ташриф буюришади. Интервью  оладиган телевидение вакиллари ҳам бисёр.

- «Жубило Ивата» бош мураббийи Хироши Нанами ўз вақтида терма жамоа таркибида ёрқин ўйин намойиш этган. Хўш, мураббийликда ҳам ўзини кўрсата оляптими? Унга қандай таъриф берасиз? Қаттиққўлми?

- Ҳа, жуда ажойиб мураббий. Маш-ғулотни ўзгача тарзда ўтказади. Инсоний жиҳатлари эса алоҳида мавзу. Лекин зарур пайтда қаттиққўл ҳам бўлади. Кези келганда, ҳазил-муто-йибани жойига қўяди.

- Жамоадошларингиз орасидан кўпроқ ким билан ҳамсуҳбат бўласиз?

- Барча футболчилар билан яхши муносабатдаман. Алоҳида бир футболчини ажратиб кўрсата олмайман. Жамоамиз жуда аҳил.

- Шароитлар қониқтиряптими?

- Ҳа, уй, машина берилган. Нафақат мен, балки барча футболчилар учун жуда қулай шароитлар яратилган. Биздан фақат мазмунли ўйин намойиш этиш талаб этилади, холос.

- Япония таомлари аччиқроқ, дейишади. Шу тўғрими? Умуман, ушбу масалада қийналмаяпсизми? Клубда сизга алоҳида овқат тайёрланадими?

- Менимча, аччиқ эмас. Японияда таом масаласида қийналмайсиз. Менга ҳаммаси ёқади. Клубда мен учун алоҳида таом тайёрланмайди. Лекин дунёда ўзимизнинг паловга етадигани йўқ.

- Японияга «зилзилалар юрти», деб ҳам таъриф беришади. Ҳақиқатан ҳам ер силкинишлари тез-тез кузатиладими?

ДАВОМИ

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.