"Ливерпуль" бош мураббийи Юрген Клопп ЕЧЛ нимчорак финалида "Порту"га қарши жавоб учрашуви олдидан фикрлари билан ўртоқлашди.

Биринчи учрашувда англияликлар 5:0 ҳисобида ғалаба қозонган эдилар.

"Таркибимизда ўзгаришлар борасида бир қарорга келганим йўқ. Янги ўйинчилар ҳам тушиши мумкин.

Ҳозир нимадандир қочиш учун таркибни ўзгартирадиган вақт эмас. Энг яхши формадаги ўйинчиларни тушириш керак. Биз бир, икки ёки учта ўзгартиришлар қилишимиз мумкин, шунда ҳам ғалаба қозониш учун.

Биринчи ўйинда яхши ўйнаганимиз - рост. Биз ўша куни жуда кучли эдик. Таркибимизда жиддий ўзгаришлар қилмаймиз, чунки "Порту"ни қаттиқ ҳурмат қиламиз. Биз ғалаба қозонмоқчимиз, шу, холос", - дейди Клопп.