"Тоттенҳэм" бош мураббийи Маурисио Почеттино ЕЧЛ 1/8 финалида "Ювентус"га қарши жавоб учрашуви олдидан фикрлари билан ўртоқлашди (биринчи ўйин- 2:2).

"Жамоа Туринда ўйин бошини назарда тутмаганда, яхши ўйнади. Албатта, футболда омадсиз ҳеч қаерга йўл йўқ. Майдон эгалари пенальтидан фойдалана олмагани бизга туртки берди. Биз жангга қилишга ва бундан завқ олишга тайёрмиз.

Игуаин - дунёнинг энг яхши ҳужумчиларидан бири. Мен уни Кейн билан бир қаторга қўяман. Унинг катта иқтидор эгаси эканлигини биламиз. Уни тўхтатиш баъзан қийин бўлиб қолади. У ўз услуби билан Месси ва Дибаладан фарқ қилади.

Биз яхши ҳолатдамиз, охирги икки йилда кучайдик. Жамоа тажрибалироқ ва рақобатбардошли. Эртага футболдан завқ олишга ҳаракат қиламиз", - дейди Почеттино.