Германия терма жамоаси бош мураббийи Иоахим Лёв ёзда вазифасини топширади ва "Арсенал"ни бошқариши мумкин.
58 ёшли мутахассис - Лондон жамоасида ишлашга асосий номзод, дея хабар беради ESPN, вазиятга яқин манбаларга таяниб.
Арсен Венгернинг "Арсенал"ни тарк этиш эҳтимоли тобора ортиб бормоқда. Жамоа турли мусобақаларда қаторасига 4 учрашувда мағлуб бўлди ва футболчилар 68 ёши мутахассисга ишончларини йўқотганлар.
Венгернинг шартномаси мавсум-2018/19 охиригача тузилган. Аммо клуб раҳбарияти унинг ишидан қониқмаяпти.
Лёв Германия футбол федерацияси билан Евро-2020 мусобақаси охиригача шартнома имзолаган. Шунга қарамай, лондонликлар уни асосий номзод ҳисобламоқдалар. Шунингдек, "канонирлар" нигоҳида "Монако" устози Леонердо Жардим ва "Селтик" устози Брандан Роджерс ҳам бор.