"Милан" бош мураббийи Женнаро Гаттузо Европа лигаси нимчорак финалида "Арсенал" билан биринчи учрашув олдидан фикрлари билан ўртоқлашди.
"Мен Венгерга мураббийликда рақобатчилик қила олмайман. У фаолиятида кўп нарса ютган, у бир жамоа рулида 20 йилдан ортиқ ишлаб келяпти. Мен бунинг учун узоқ йилларни босиб ўтишим керак.
Бу қизиқ ўйин бўлади: менинг янги фалсафам - унинг тажрибасига қарши. Унинг усули - тўп билан кўпроқ муомала қилиш. "Асренал" - техник жамоа. Тўп бизда бўлганида уларни кўпроқ югуртиришга ҳаракат қилишимиз керак.
БУ ўйинга яхши тайёрланиш керак ва унга қувонч билан чиқиш керак. Бу каби ўйинларни орзу қиладиган футболчилар бор, шунинг учун хато қилсак, бундан фожиа ясамаймиз", - дейди Гаттузо.
Эслатиб ўтамиз, учрашув эртага, 8 март куни Миланда бўлиб ўтади.