«Милан» клубининг собиқ ҳужумчиси Андрей Шевченко миланликлар бош мураббийи ва собиқ жамоадоши Женнаро Гаттузо ҳақида фикр билдириб ўтди.
«Рино «Милан»ни ўзгартирди ва жамоани аввалги ҳолига қайтарди. У футболчилардан агрессивликни ва курашга тайёр бўлишларини талаб қилмоқда. Унинг ўзи айнан шундай футболчи эди, шу сабаб мен ортиқча ажабланаётганим йўқ. У майдоннинг ҳар бир қаричи учун курашадиган футболчи эди.
Рино ҳеч нарсадан қўрмайди, унга имконият тақдим этишди ва у бундан фойдаланди. Умид қиламанки, у «Милан»ни кейинги мавсумда еврокубокларга олиб чиқади», — дейди Шевченко.
