73-дақиқада, ҳисоб 1:1 бўлиб турган вазиятда Серхио Рамос майдондан йўқолиб қолди. У бош ҳакамга мурожаат қилди ва зудлик билан кийиниш хонасига кириб кетди.

5 дақиқадан сўнг, Рамос майдонга қайтди, Криштиану Роналду эса гол уриб, жамоасига ғалаба келтирди.

Ўйиндан кейинги матбуот анжуманида Зидан: «Менимча у кичик эҳтиёжини қондириш учун чиқиб кетди» - деди.

Серхио эса твиттер саҳифасида: «Табиий эҳтиёжни ҳам қондириш керак. Тезда у ёқдан бу ёққа бориб келдим. Қайта заряд олдим. Гол урдик. Энди уйга кетяпмиз. Бўш келманглар!» - деган ёзувни қолдирди.