Голандиялик мураббийи Франк де Бур "Манчестер Юнайтед"нинг чемпионлар лигасидан чиқиб кетишидан фойдаланиб, манчестерликлар устози Жозе Моуриньо билан матбуотдаги "жангини" давом эттирди.
"Моуриньо мени АПЛ тарихидаги энг ёмон мураббий деб аташи мумкин, бугун эса у трансферлар учун деярли миллиард фунт сарфлаган мураббий, унинг жамоаси эса, мана бундай ўйин кўрсатади", - дейди Франк де Бур.
Эслатиб ўтамиз, бу мутахассислар ўртасидаги айтишув яқиндан давом этмоқда. Дастлаб Де Бур "Рашфорд яхши ўйинчи, унинг мураббийи Моуриньо эканлиги ачинарли" деб фикр билдирган бўлса, Моуриньо унинг "Кристал Пелас"даги омадсиз фаолиятини назарда тутиб, уни "АПЛ тарихидаги энг ёмон мураббий" эканлиги ва "агар у Рашфорд мураббийи бўлганида, уни мағлубиятларга ўргатиши" мумкинлигини айтган эди.
