18 март куни "Пахтакор" Суперлиганинг 3-турида Тошкентда АГМКга қарши ўйин билан бошлайди.
Беллашув "Пахтакор" стадионида 18 март, якшанба куни соат 18:00да бошланади. Ўйиндан аввал стадионга ташриф буюрадиган ишқибозлар эътиборига концерт дастури тақдим этилиши режалаштирилган.
Шунингдек, танаффус пайтида ҳам бадиий дастур давом эттирилади. Унда "Афруз" гуруҳи ва Нилуфар Усмонова ўз чиқишлари билан йиғилганларни хушнуд этишади. Ижтимоий акцияда иштирок этиб, уч телевизордан бирини ютиб олиш имкониятига эга бўласиз.
Ишқибозларга кўнгилдагидек ҳордик чиқариш учун барча шароитлар муҳайё этилади.
Футбол мухлисларини 18 март куни "Пахтакор" стадионига чорлаб қоламиз. Стадионга келинг ва "Пахтакор"ни қўллаб-қувватланг!
