“Атлетико” бугун Москвада “Локомотив”ни йирик 5:1 ҳисобида мағлуб этди. Испанияликлар икки ўйин натижасига кўра, 8:1 ҳисобида ғалаба қозониб, чорак финал йўлланмасини нақд қилишди.

Гап шундаки, мадридликлар ўз тарихларида Еврокубок мусобақаларида 4-марта сафар ўйинида 5та гол уришди ва буни сўнгги 11 йилда илк марта амалга оширишди.

“Атлетико” 2007 йил сафарда “Эржиесспор” устидан 5:0 ҳисобида зафар қучишганди. Шунингдек, “матрасчилар” сафарда 1959 йил Ирландиянинг “Друмкондре” (5:0) ва 1967 йил Австриянинг “Винер” (5:2) клубларига бешталаб гол уришган.