“Atletiko” bugun Moskvada “Lokomotiv”ni yirik 5:1 hisobida mag‘lub etdi. Ispaniyaliklar ikki o‘yin natijasiga ko‘ra, 8:1 hisobida g‘alaba qozonib, chorak final yo‘llanmasini naqd qilishdi.

Gap shundaki, madridliklar o‘z tarixlarida Yevrokubok musobaqalarida 4-marta safar o‘yinida 5ta gol urishdi va buni so‘nggi 11 yilda ilk marta amalga oshirishdi.

“Atletiko” 2007 yil safarda “Erjiyesspor” ustidan 5:0 hisobida zafar quchishgandi. Shuningdek, “matraschilar” safarda 1959 yil Irlandiyaning “Drumkondre” (5:0) va 1967 yil Avstriyaning “Viner” (5:2) klublariga beshtalab gol urishgan.