Тошкентнинг "Локомотив" клуби 17 март куни Суперлига 3-тур ўйинлари доирасида Наманганнинг "Навбаҳор" жамоаси меҳмони бўлади.
"Темирйўлчилар" жамоаси мазкур ўйинга жиддий тайёргарлик олиб бормоқда. Бугун "Локо" футболчилари Наманганга йўл олиш олдидан пойтхатдаги сўнгги машғулотини ўтказишди.
Машғулот жараёни анча қизиқарли ва рангбаранг тарзда кечди. Барча футболчилар машғулот пайти астойдил шуғулланишди.
Таъкидлаш жоизки, "Навбаҳор" – "Локомотив" учрашуви 17 март куни Намангандаги "Марказий" стадионида бўлиб ўтади. Ўйиннинг бошланиш вақти – 20:00.
