Испания терма жамоаси бош мураббийи Хулен Лопетеги Германия терма жамоаси билан ўртоқлик учрашуви (1:1) ҳақида гапирди.
"БУ ўйиндан менда яхши таассуротлар қолди. Биз жаҳон чемпионларига қарши ўйнадик ва ўзимизни ишончли сездик. Бизда вазиятлар бўлди, бутун 90 дақиқа давомида тўпга эгалик қилиб бўлмасада, ўз иштиёқимизни кўрсата олдик.
Германия - жисмонан кучли ва тезкор рақиб. Майдонда ҳаракатланиш борасида улар биздан тезкорроқ. Аммо биринч ярим сотада уларнинг устунлигини йўққа чиқара олдик. Бу ўйинни ўртоқлик учрашуви деб бўлмасди. Бу ўйинда ҳар икки жамоа ҳужум қилишни истади. Мухлислар учун ҳақиқий спектакль бўлди. Мен жамоам кўрсатган ўйиндан мамнунман", - дейди Лопетеги.
