"Реал" клуби ва Испания терма жамоаси яримҳимоячиси Лукас Васкес Аргентина терма жамоаси билан ўртоқлик учрашуви олдидан фикрлари билан ўртоқлашди.
"Биз ҳар доим энг яхшиларга қарши ўйнашни истаймиз, агар Месси ўйинда қатнашса яхши бўларди. Ҳозирча бунга шубҳа бор экан, кўрамиз.
Реал фикрлаш керак. Бизда яхши ўйинчилардан тузилган ажойиб жамоа бор. Биз жаҳон чемпионатида фаворит бўламизми, буни муҳокама қилиш керакмас. Биз ишлаймиз ва яхши ҳолатда етиб борамиз.
Мен яхши формадаман. Ўйин амалияти олаётганимдан хурсандман. Иско ҳам ажойиб формада. Умид қиламизки, у шу тарзда давом этади ва биз унинг ўйинларидан завқ оламиз", - дейди Васкес.
