"Барселона" ва ҳимоячи Самуэль Умтити ўртадаги шартномани узайтириш борасида келиша олмаяпти.
Sport.es хабарига кўра, томонлар ҳамкорликни давом эттириш борасида бир тўхтамга кела олмаяптилар. Ҳаммаси молиявий бандларга бориб тақалмоқда. 24 ёшли футболчининг амалдаги шартномаси 2021 йилгача тузилган.
Бу ҳолатдан "Манчестер Юнайтед" фойдаланиб қолмоқчи, англияликлар француз футболчисига қизиқиш билдирганлар. Умтитининг товон пули 60 млн евро қилиб белгиланган.
Франциялик футболчи ҳозирги шартномаси бўйича йилига 4 млн евро ишлаб топмоқда, "МЮ" унга йилига 9 миллион евро таклиф қилмоқда.
