Ўзбекистон футбол Ассоциацияси ҳамда Ўзбекистон Республикаси Олий ва ўрта махсус таълим вазирлигининг икки томонлама ҳамкорликни янада ривожлантириш борасидаги меморандум доирасида юртимиздаги Олий таълим муассасалари ўртасида футбол бўйича “Ўзбекистон футбол Ассоциацияси Кубоги” мусобақалари давом этмоқда.

ЎФАнинг тасдиқланган режасига асосан 11-26 март кунлари Андижон вилоятида Республика биринчилигининг вилоят босқичи бўлиб ўтди.

Мусобақада Андижон давлат универститети, Андижон Машинасозлик институти, Андижон Қишлоқ хўжалиги институти хамда Андижон тиббиёт институтлари иштирок этдилар.

Икки давравий - уй ва меҳмон тизимда ташкиллаштирилган ўйинлар Андижон шаҳридаги вилоят болалар ва ўсмирлар футбол мактаби ҳамда Андижон шаҳар футболга ихтисослаштирилган мактаб интернати майдонларида ўтказилди.

Қайд этилган натижалар:

1-тур.

Андижон давлат Универститети - Андижон Қишлоқ хўжалиги институти -  1:0 (жавоб учрашуви - 0:0)

Андижон Машинасозлик институти - Андижон тиббиёт институти – 2:1 (жавоб учрашуви – 0:1)

2-тур

Андижон Қишлоқ хўжалиги институти - Андижон Машинасозлик институти – 1:2 (жавоб учрашуви – 0:0)

Андижон тиббиёт институти - Андижон давлат университети – 1:3 (жавоб учрашуви – 0:1)

3-тур

Андижон Қишлоқ хўжалиги институти - Андижон тиббиёт институти – 1:0 (жавоб учрашуви – 0:0)

Андижон давлат университети - Андижон Машинасозлик институти – 1:0 (жавоб учрашуви – 0:0).

Мусобақа якунига кўра, Андижон давлат Универститети талабалари барча рақибларини мағлубиятга учратиб, ғолибликни қўлга киритишди.

2-ўринни Андижон Машинасозлик институти, 3-ўринни эса Андижон Қишлоқ Хўжалиги институтининг ҳаваскор футболчилари эгаллашди.

Шу тариқа, ғолиб жамоа апрель ойининг иккинчи ярмида Наманганда ташкил этиладиган иккинчи босқич ўйинларига йўлланма олди.