30 март - 1 апрель кунлари Грузия пойтахти Тбилиси шаҳрида дзюдо бўйича нуфузли Гран-при турнири бўлиб ўтади.
Ушбу мусобақада дунёнинг 40 га яқин мамлакатидан ташриф буюрган 300 нафардан зиёд дзюдочилар совринли ўринлар учун ўзаро кураш олиб борадилар. Айни пайтда вакилларимиз Гран-прига тайёргарликни давом эттирмоқдалар.
Мусобақада терма жамоамиз қуйидаги таркибда иштирок этади:
-60кг: Дониёр Султонбоев
-66кг: Шаҳрам Аҳадов
-73кг: Ғиёсжон Бобоев
-81кг: Шарофиддин Болтабоев
-90кг: Шермуҳаммад Жандриев
Мураббий: Мирали Шарипов.
Вакилларимиз эртага Грузияга жўнаб кетадилар.
Шуни қўшимча сифатида қайд этиб ўтишимиз мумкинки, Тбилисидаги мусобақада ҳамюртимиз Рамзиддин Саидов ҳакам сифатида фаолият олиб боради.
Биз ушбу мусобақада ҳамюртларимизга омад тилаб қоламиз.
