1986 йилда Аргентина терма жамоаси сафида жаҳон чемпионлигига эришган Педро Пабло Паскуллининг фикрига кўра, миллий терма жамоа ҳозир Мессига ҳаддан ортиқ боғланиб қолган.
Аргентина охирги ўртоқлик учрашувида Испанияга 1:6 ҳисобида мағлуб бўлди.
"Ҳозир Аргентина, биз 1986 йилда Марадонага боғланиб қолганимиздан ўн баробар ортиқ Мессига боғланиб қолган. Месси эса ҳамма муаммоларни ҳал қила олмайди. Яримҳимоя ва ҳужумда ҳал қилар, аммо ҳимояда-чи? Бу натижа Месси учун муаммо бўлади, чунки ҳаммасини ундан сўрайдилар.
Мен Аргентинанинг жаҳон чемпиони бўлишини жуда истайман. Аммо шундай мағлубиятдан сўнг Сампаолини хотиржам кўрдим, бу ташвишланарли. Биз Аргентинамиз, Перу эмас. Бизда дунёнинг энг зўр ўйинчиси ўйнайди. Бизга жаҳон чемпиони бўлишни истайдиган ўйинчилар керак", - дейди Паскулли.
