Бугун Суперлиганинг 4-тур учрашувларига старт берилади.
Турнинг илк ўйини Жиззахда "Сўғдиёна" ва "Қизилқум" ўртасида бўлиб ўтади. Мавсум аввалида қийинчиликларга дуч келаётган клублар ҳали бирор марта ҳам ғалаба қозона олишмади. Жиззахликлар ҳисобида 1 очко мавжуд бўлса, навоийликлар ҳали ўз ҳисобларига очко ёздириб қўя олишганича йўқ. Шу сабабли ҳам бу икки клуб турнир жадвалида энг қуйи поғоналарни банд этиб туришибди.
4-тур.
29 март.
18:00 - “Сўғдиёна” – “Қизилқум”
Ҳакамлар: А. Рисқуллаев (Тошкент), Р. Нугманов (Тошкент), Д. Сайлавов (Тошкент), Ф. Янсупов (Тошкент)
Назоратчи: Д. Роман (Тошкент)
Комиссар: Б. Арипов
Превью
ЎТГАН МАВСУМДА
Биринчи давра 6-турида “Сўғдиёна” меҳмонда “Қизилқум”га қарши баҳс олиб борган. Ушбу баҳснинг 27 дақиқасида Санжар Рашидов ҳисобни очган эди. 52 дақиқада Илхом Юнусов пенальтидан ҳисобни тенглаштиришга муваффақ бўлди. Шу тариқа ўйинда дуранг натижа қайд этилган эди.
Иккинчи давра 21-турида “Сўғдиёна” ўз майдонида “Қизилқум”ни қабул қилди. Баҳснинг 54 дақиқасида Санжар Рашидов ҳисобни очган бўлса, 73 дақиқада Акром Бахриддинов ҳисобни тенглаштирди.
ЎЗАРО УСТУНЛИК
“Сўғдиёна” ҳамда “Қизилқум” клублари олий лигада шу кунгача 28 бор куч синашишган.“Сўғдиёна” ҳисобида 7 та, “Қизилқум” ҳисобида 14 та ғалаба мавжуд. 7 ўйинда дуранг натижа қайд этилган. Тўплар нисбатида устунлик навоийликлар томонида: 25:36. “Сўғдиёна” ўзаро ўйинларда 28 очкони қўлга киритган бўлса , “Қизилқум” 49 очкони қўлга қиритган. “Сўғдиёна”нинг энг йирик ғалабаси 4:1, “Қизилқум”нинг энг йирик муваффақияти ҳам 4:1.
“Сўғдиёна” майдонида ўтган барча учрашувлар:
16.09.2017 «Сўғдиёна» – «Қизилқум» 1:1
01.07.2016 «Сўғдиёна» – «Қизилқум» 1:1
02.08.2015 «Сўғдиёна» – «Қизилқум» 4:1
07.11.2014 «Сўғдиёна» – «Қизилқум» 1:0
17.08.2013 «Сўғдиёна» – «Қизилқум» 2:1
19.03.2011 «Сўғдиёна» – «Қизилқум» 0:2
19.08.2009 «Сўғдиёна» – «Қизилқум»0:1
10.05.2008 «Сўғдиёна» – «Қизилқум» 2:0
29.08.2006 «Сўғдиёна» – «Қизилқум»0:2
12.06.2005 «Сўғдиёна» – «Қизилқум» 0:0
03.05.2004 «Сўғдиёна» – «Қизилқум»2:0
22.06.2002 «Сўғдиёна» – «Қизилқум»1:2
01.10.2001 «Сўғдиёна» – «Қизилқум »1:0
01.06.2000 «Сўғдиёна» -«Қизилқум»2:0
ЎЗАРО ЎЙИНЛАР ҲАҚИДАГИ ФАКТ:
Жиззахдаги 14 та ўйиндан 7 тасида “Сўғдиёна”, 4 тасида “Қизилқум” ғалаба қозонган. 3 та ўйинда дуранг натижа қайд этилган.
ЎЙИН ВАҚТИ ВА ЖОЙИ.
Ёшлар лигаси баҳси 28 март куни соат 15:00 да “Ғаллаорол” стадионида бўлиб ўтади. Асосий таркиб учрашуви 29 март куни 18:00 да “Сўғдиёна” стадионида ўтказилади.
