Ўзбекистон футбол Ассоциацияси ҳамда Ўзбекистон Республикаси Олий ва ўрта махсус таълим вазирлигининг икки томонлама ҳамкорликни янада ривожлантириш борасидаги меморандум доирасида юртимиздаги Олий таълим муассасалари ўртасида футбол бўйича “Ўзбекистон футбол Ассоциацияси Кубоги” мусобақалари давом этмоқда.
ЎФАнинг тасдиқланган режасига асосан Наманган вилоятида Республика биринчилигининг вилоят босқичи бўлиб ўтди.
Икки даврада олиб борилган мусобақада Наманган муҳандислик технология институтининг НамМТИ, Наманган давлат университетининг НамДУ ҳамда Наманган муҳандислик қурилиш институтининг НамМҚИ талабаларидан иборат ҳаваскор жамоалари иштирок этди.
“Навбаҳор-Умид” майдонида кечган баҳслар якунига кўра Наманган давлат университети талабалари тўрт ўйиндан 9 очко жамғарган ҳолда вилоят ғолиблигини қўлга киритишди. 6 очко тўплаган Наманган муҳандислик технология институтининг ҳаваскор футболчилари эса иккинчи ўринни эгаллашди.
Қайд этилган натижалар:
1-давра
НамМҚИ – НамДУ – 0:1
НамДУ - НамМТИ – 1:0
НамМТИ – НамМҚИ – 1:3
2-давра
НамМТИ – НамДУ – 3:2
НамМҚИ – НамМТИ – 0:4
НамДУ – НамМҚИ – 1:0
Шу тариқа, ғолиб жамоа апрель ойининг иккинчи ярмида ўз шаҳрида ташкил этиладиган иккинчи босқич ўйинларига йўлланма олди.
