Бугун "Пахтакор" Суперлиганинг 4-турида Тошкентда "Нефтчи"га қарши ўйнайди.
Беллашув "Пахтакор" стадионида соат 20:00да бошланади. Ҳар икки жамоа Ўзбекистон чемпионати юқори лигасида мунтазам иштирок этиб келади ва улар ўртасидаги тўқнашувлар ўзбек класикоси сифатида эътироф этилади. Шундай экан, шиддатли ўйинга гувоҳ бўлишингиз тайин.
Беллашувдан аввал стадионга ташриф буюрадиган ишқибозлар эътиборига концерт дастури тақдим этилиши режалаштирилган. DJ Piligrim ва Фарруҳ Зокиров бугунги ўйин меҳмонларига айланишади. Шунингдек, танаффус пайтида ҳам бадиий дастур давом эттирилади ва ижтимоий акцияда иштирок этиб, планшет, уяли алоқа телефони ҳамда бошқа ютуқлардан бирига эга чиқиш имкониятига эга бўласиз.
Футбол мухлисларини "Пахтакор" стадионига чорлаб қоламиз.
