Bugun "Paxtakor" Superliganing 4-turida Toshkentda "Neftchi"ga qarshi o‘ynaydi.

Bellashuv "Paxtakor" stadionida soat 20:00da boshlanadi. Har ikki jamoa O‘zbekiston chempionati yuqori ligasida muntazam ishtirok etib keladi va ular o‘rtasidagi to‘qnashuvlar o‘zbek klasikosi sifatida e’tirof etiladi. Shunday ekan, shiddatli o‘yinga guvoh bo‘lishingiz tayin.

Bellashuvdan avval stadionga tashrif buyuradigan ishqibozlar e’tiboriga konsert dasturi taqdim etilishi rejalashtirilgan. DJ Piligrim va Farruh Zokirov bugungi o‘yin mehmonlariga aylanishadi. Shuningdek, tanaffus paytida ham badiiy dastur davom ettiriladi va ijtimoiy aksiyada ishtirok etib, planshet, uyali aloqa telefoni hamda boshqa yutuqlardan biriga ega chiqish imkoniyatiga ega bo‘lasiz.

Futbol muxlislarini "Paxtakor" stadioniga chorlab qolamiz.