“Манчестер Юнайтед” клуби бош мураббийи Жозе Моуриньо куни-кеча журналистларга Поль Погбадан нега кам майдонга тушаётгани ҳақида сўрашлари мумкинлигини айтди. Журналистлар кутилганидек Погбадан ушбу саволга жавоб олишди.

“Тўғри, аввал мени ҳеч ким захирага михлаб қўя олмаганди. Балки бу билан янада ҳам кучаярман. Кучли бўлиш учун қийин вақтларни бошдан ўтказишга ҳам мажбур бўласан.

Моуриньо билан орамизда ҳеч қандай муаммо йўқ. Таркибни мен танламайман. Агар нима учун майдонга кам тушаётганим ҳақида билишни истасангиз, ана бориб, мураббийдан сўранг. Жозенинг қарорларини ҳурмат қилишга мажбурман”, - деди Погба.