Айни пайтда Қатарнинг Доҳа шаҳрида бўлиб турган “Насаф” футбол мактабимизнинг тарбияланувчилари, бугун баҳсга киришади, дея хабар беради "аждарлар"нинг расмий сайти.
Учрашувлар Тошкент вақти билан соат 19:10да бошланади. Ёш футболчилардан иборат жамоалар Қатарнинг ”Aspire” академияси тарбияланувчилари билан куч синашишади.
Дастлаб, Нурали Султонов ва Насим Шойимовлар қўл остидаги “Насаф-2000” ва Павел Кшнякин ва Сергей Кучеренколар мураббийлигидаги “Насаф-2001” жамоалар майдонга тушадилар.
Соат 19:15да эса Умар Раҳматуллаев ва Жасур Ибрагимов шогирдлари бўлган “Насаф-2003” жамоаси баҳсга киришади. Учрашувлар ”Aspire” академияси майдонларида бўлиб ўтади.
