Осиё чемпионлар лигасининг "С" гуруҳида 5-тур ўйинлари бўлиб ўтди. Бу гуруҳда муддатидан аввал нимчорак финалга чиққан 2 жамоа номи аниқ бўлди.
Афсуски, "Насаф" бугун Қаршида "Персеполис" билан дуранг ўйнаганидан кейин плей-оффга чиқа олмайдиган бўлди. "Ас-Садд" ўз уйида БААнинг "Ал-Васл" клубини қабул қилиб, 2:1 ҳисобида ғалаба қозонди. Натижада қатарликлар ҳисобидаги очколар сони 12тага етди.
"Персеполис"нинг очколари 10тага етди. Етти очкога эга бўлиб турган "Насаф" ўзаро ўйинлар натижаси бўйича форслардан ўтиб кета олмаслиги маълум бўлиб улгурди. Қаршиликлар гуруҳ босқичининг сўнгги тур ўйинини 16 апрель куни Дубайда "Ал-Васл"га қарши ўтказади.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Ас-Садд | 5 | 4 | 0 | 1 | 11-4 | 12 |
| 2 | Персеполис | 5 | 3 | 1 | 1 | 7-3 | 10 |
| 3 | Насаф | 5 | 2 | 1 | 2 | 2-7 | 7 |
| 4 | Ал-Васл | 5 | 0 | 0 | 5 | 2-8 | 0 |
