Osiyo chempionlar ligasining "S" guruhida 5-tur o‘yinlari bo‘lib o‘tdi. Bu guruhda muddatidan avval nimchorak finalga chiqqan 2 jamoa nomi aniq bo‘ldi.
Afsuski, "Nasaf" bugun Qarshida "Persepolis" bilan durang o‘ynaganidan keyin pley-offga chiqa olmaydigan bo‘ldi. "As-Sadd" o‘z uyida BAAning "Al-Vasl" klubini qabul qilib, 2:1 hisobida g‘alaba qozondi. Natijada qatarliklar hisobidagi ochkolar soni 12taga yetdi.
"Persepolis"ning ochkolari 10taga yetdi. Yetti ochkoga ega bo‘lib turgan "Nasaf" o‘zaro o‘yinlar natijasi bo‘yicha forslardan o‘tib keta olmasligi ma’lum bo‘lib ulgurdi. Qarshiliklar guruh bosqichining so‘nggi tur o‘yinini 16 aprel kuni Dubayda "Al-Vasl"ga qarshi o‘tkazadi.
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | As-Sadd | 5 | 4 | 0 | 1 | 11-4 | 12 |
| 2 | Persepolis | 5 | 3 | 1 | 1 | 7-3 | 10 |
| 3 | Nasaf | 5 | 2 | 1 | 2 | 2-7 | 7 |
| 4 | Al-Vasl | 5 | 0 | 0 | 5 | 2-8 | 0 |
