Матбуот анжуманининг навбатдаги қисмида жамоамиз устози Рўзиқул Бердиев ҳамда бугунги учрашувнинг энг яхши ўйинчиси Одилжон Ҳамробековлар иштирок этишди.
-Ҳозирги таркибимиз билан Эрон чемпионига қарши бундан ортиқ ўйин кўрсата олмас эдик. Раққибимиз қандай кучга эга эканлигига ўзларингиз ҳам гувоҳ бўлдиларингиз. Бугун ғалаба учун майдонга тушган эдик. Аммо мақсадимизга эриша олмадик. Йигитларимиз имкон қадар, қўлларидан келганча ўйнашди. Уларга бугунги ўйинлари учун ўз миннатдорчилигимни билдираман.
Одилжон Ҳамробеков: - Бугунги учрашувда бизни яқиндан қўллаб-қувватлаган мухлисларга ҳамда жамоадошларимнинг бугунги учрашувда кўрсатган ўйинлари учун ташаккур айтмоқчиман. Биз тез-тез ўйин ўтказаяпмиз, албатта бу орқали чарчоқ ҳам бугун сезилиб қолди. Аммо биз имкон даражасида ўйнадик.
