Matbuot anjumanining navbatdagi qismida jamoamiz ustozi Ro‘ziqul Berdiyev hamda bugungi uchrashuvning eng yaxshi o‘yinchisi Odiljon Hamrobekovlar ishtirok etishdi.
-Hozirgi tarkibimiz bilan Eron chempioniga qarshi bundan ortiq o‘yin ko‘rsata olmas edik. Raqqibimiz qanday kuchga ega ekanligiga o‘zlaringiz ham guvoh bo‘ldilaringiz. Bugun g‘alaba uchun maydonga tushgan edik. Ammo maqsadimizga erisha olmadik. Yigitlarimiz imkon qadar, qo‘llaridan kelgancha o‘ynashdi. Ularga bugungi o‘yinlari uchun o‘z minnatdorchiligimni bildiraman.
Odiljon Hamrobekov: - Bugungi uchrashuvda bizni yaqindan qo‘llab-quvvatlagan muxlislarga hamda jamoadoshlarimning bugungi uchrashuvda ko‘rsatgan o‘yinlari uchun tashakkur aytmoqchiman. Biz tez-tez o‘yin o‘tkazayapmiz, albatta bu orqali charchoq ham bugun sezilib qoldi. Ammo biz imkon darajasida o‘ynadik.
