Жаҳон бокс уюшмаси WBA бугун, 3 апрель куни боксчиларнинг янги рейтингини эълон қилди.

Унга кўра, ўзбекистонлик енгилмас боксчи Шоҳжаҳон Эргашев биринчи марта кучли ўнликка кирди. У дунёнинг 9-рақамли боксчисига айланди. Эслатиб ўтамиз, Шоҳжаҳон ўтган ойда рейтингда 11-ўринни банд этганди.

Шоҳжаҳон Эргашев Бруклиндаги “BarclaysCenter” спорт мажмуасида 28 апрель куни навбатдаги жангини ўтказади.

Шунингдек, яна бир ўзбекистонлик боксчи Қудратилло Абдуқаҳҳоров янги эълон қилинган рейтингда 7-ўринни банд этди.  Абдуқаҳҳоров бу билан ўтган ойдаги ўрнини сақлаб қолди.

Эслатиб ўтамиз, Қудратилло 17 март куни Малайзияда ўтказилган жангда венгриялик Ласло Тотни мағлубиятга учратиб, ўз камарини сақлаб қолганди.