Mundo Deportivo нашри хабарларига кўра, «Барселона» соҳиблари таркибда бир-неча ўзгартиришни амалга оширмоқчи.

Манбанинг қўшимча қилишича, каталонияликлар Андре Гомеш ва Алейш Видалнинг жамоадаги истиқболига ишонишмаяпти.

Жамоа яқин вақтлар ичида «Гремио»дан Артурни сотиб олади. Шунингдек, Денис Суареснинг жамоадаги тақдири ҳам сўроқ остида қолмоқда. Пако Алькасер ҳам жамоани тарк этиш эҳтимоли йўқ эмас.

Агар Самюэль Умтити ҳам жамоадан кетадиган бўлса, «Барса» Маттейс де Лигтни («Аякс») сотиб олади. Йерри Мина эса ижара асосида бошқа жамоа сафига қўшилиши кутилмоқда.

Хабар қилинишича, «Барселона»нинг ёзги трансфер ойнасидаги асосий мақсади «Атлетико» етакчиси Антуан Гризманн бўлади.