"Ницца" ҳужумчиси Марио Балотелли ирқчилик ҳақида мулоҳазалари билан ўртоқлашди.
"Баъзи стадионларда одамлар мен томонга "Қора итальянлар бўлмайди!" деб қичқиришади. Аммо менинг мисолим бунинг аксини кўрсатади.
Италиялик бўлганимга, Италияда туғилиб ўсганимга қарамай, қонунга кўра 18 ёшимдан сўнг италияликка айланганман.
Қонун адолатсиз, балки шунинг учун қора танлиларни тўкис одам деб ҳисобламайдилар. Айримлар бундай ўйинчини жамоавий суратнинг ўртасида бўлишини ҳато ҳисоблайдилар.
Агар оқ танли бўлганимда, муаммоларим камроқ бўларди деб ўйлайман. Бу муаммоларнинг баъзиларига ўзим сабабчиман, вазиятларни тўғри баҳоламаганман. Аммо ишончим мутлақо комилки, оқ бўлганимда мени тезроқ кечиришган бўлар эди.
Италия ирқчи давлат эмас, аммо унда ирқчилар бор. Кейинги авлод бу вазиятни ўзгартиришга қодир. Биз болаларимизга ташқи кўринишидан қатъий назар тенглигини ўргатишимиз керак", - дейди Балотелли.
