"Манчестер Юнайтед" бош мураббийи Жозе Моуриньо АПЛнинг 33-турида "Манчестер Сити" устидан қозонилган ғалабадан сўнг (3:2) Поль Погба ҳақида фикрлари билан ўртоқлашди.
Погба иккинчи бўлимда иккита гол урди.
"Мен Погбадан кучайишини талаб қилганим йўқ, чунки у кўрсатаётган ўйиндан қониқаётган эдим.
Агар унинг агенти (Мино Райола) уни қандайдир клубларга таклиф қилган бўлса, демак, айтиш мумкин-ки, унинг нархи ошган.
Танаффусда менга шундай туюлдики, шогирдларим майдон марказида бундан ортиқ яхши ўйнолмайдилар. Иккинчи бўлимда кучайиб кетамиз деб ўйламагандим.
Мен марказий ҳимоячиларимиздан кўп нарсани талаб қилдим. Биринчи бўлимда тўп уларнин оёқларида бўлган вақти ишончсиз ўйнадилар. Шунингдек, вингерларимдан кўпроқ талаб қилинадиган нарсалар бор эди. иккинчи бўлимда жамоа сифатида кучайдик.
