"Динамо" Киевнинг собиқ дарвозабони Александр Шовковский қизини пасха байрамига олиб кетиш учун собиқ турмуш ўртоғи Ольга Аленованинг уйига келди ва ҳалок бўлишига оз қолди.

"Якшанба куни қизимни олиб кетиш учун суд томондидан ўрнатилган вақт ва жойга келганимда, уйда қизим ҳам, унинг онаси ҳам уйда йўқ эди. Аммо собиқ қайнонам Любовь Павловна бор экан. Қайнонам дастлаб менга аввалдан тайёрлаб қўйилган тошларни балкондан ота бошлади, кейин менга қараб тўппончадан ўқ уза бошлади!", - деб ёзади Шовоковский Фейсбукда.

43 ёшли Шовковскийнинг сўзларига кўра, унинг собиқ қайнонаси спиртли ичимликлар ичишга мойил, у бир неча марта футболчининг қизини ҳақорат қилган ва унга қўл кўтарган.

"Маслаҳат беринг, бундай ғолда полицияга хабар бериб, ўқ узган кишини ҳибсга олиш учун нима қилиш керак. Чунки мен жуда хавотирдаман, қизим яшайдиган уйда тажовузкор ва бетовфиқ қуролли аёл ҳам яшайди, қизим билан алоқа йўқ", - деб ёзади Александр.

Шовковский Ольга Аленова билан 2015 йилда азжрашган.
СаШо фаолиятини 2016 йилда якунлаган.
Александр – "Динамо" таркибида 14 карра Украина чемпиони.